English
แ แแญแ
๐ง Bu'aan Misoomaa Ifatti Mul'achaa Jira!
Bulchiinsa Magaalaa Sanbatee keessatti naannoo Menoppol hojii ijaarsa daandii Kobbilistoonii yeroo dheeraaf hojjetamaa ture sadarkaa xumuraa irra ga'eera.
Hojiiwwan bu'uuraa misooma Magaalaa Sanbateetti itti fufiinsaan hojjetamaa jiran guddinaa fi jijjiirama magaalattii qabatamaan agarsiisaa jiru. Haaluma kanaan, pirojektiin daandii Kobbilistoonii naannoo Meneepool keessatti hojjetamaa jiru amma hojiiwwan xumuraa irratti argama.
Pirojektiin kun diriirsuu Kobbilistoonii qofa osoo hin taane, karaa miillaa, karaa baaskiilii fi Green Area (iddoo magariisaa) kan of keessatti hammate waan ta'eef, bareedinaa magaalattii guddisuu fi jiraattotaaf naannoo mijataa uumuuf gumaacha olaanaa qaba.
Hojiin kun yeroo guutummaatti xumuramu, sochiin konkolaattotaa fi miillaan deemtotaa daran salphataa fi nageenya qabeessa ni ta'a. Akkasumas bareedinaa magaalattii, qulqullinaa fi qulqullina jireenyaa guddisuun faayidaa qabatamaa jiraattotaaf ni fida; sochii dinagdee fi hawaasummaa magaalattiifis gumaacha guddaa ni taasisa.
Bulchiinsi Magaalaa Sanbatee bu'uuraalee misoomaa jireenya hawaasaa fooyyessan babal'isuudhaan hojiiwwan misoomaa jalqabaman qulqullinaan, ciminaan fi itti fufiinsaan xumuruuf kutannoo cimaadhaan hojjechaa jira.
Magaalaan Sanbatee Guddachaa Jirti.
