English
አማርኛ
Pirojektiin bishaan dhugaatii qulqulluu kebele Arbawayotti hojjetamaa jiru daawwatameera
-----------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------
Wiixata: July 15/2018 (Kominikeeshinii Jiilee Taamugaa)
Bulchaan Olaanaa Aanaa Jilee Tamugaa fi Hoggantoonni Seektaraa Arbawayo Kebeletti argamuun pirojektii 3R-CACE jalatti pirojektii bishaan dhugaatii qulqulluu daawwataniiru. Pirojektichi akkaataa sagantaa karoorfameen hojjetamaa akka jiru ibsamee jira. Bulchiinsi aanichaa rakkoo bishaanii hawaasaa haala itti fufiinsa qabuun furuuf ciminaan hojjachaa akka jiru hubachiifameera. Akka karoora kanaan boolla bishaanii gadi fageenya meetira 200 qabu qotuuf kan karoorfame yoo ta’u, hojiin bishaan qulqulleessuu gadi fageenya meetira 150 irratti hojjetamaa akka jiru himama. Pirojektiin bishaan dhugaatii kun yeroo xumuramu sekondii tokkotti bishaan liitira 40 hanga 50 ol’aanaa ni qabaata. Fedhii bishaanii jiraattota magaalaa Kebele akka uwwisu tilmaamameera. Itti Gaafatamaan Waajjira Bishaanii fi Inarjii Aanaa Jilee Taamugaa Obbo Huseen Mohaammad akka jedhanitti pirojektiin kun rakkoo bishaanii hawaasa naannichaa bu’uuraan furuuf dandeettii guddaa waan qabuuf xiyyeeffannoon hojjetamaa jira. Adeemsa pirojektichaa erga ilaalanii booda hojiiwwan pirojektichaa hafan yeroo gabaabaa keessatti xumuramuu, akkasumas ijaarsi sarara raabsaa fi taankii kuusaa akka raawwatamu qajeelfama kennaniiru.
